Video & Audio

Vit eru farin undir egna film- og ljóðframleiðslu, og átaka okkum nú kunningarfilmar umframt video tíðindi og lýsingar fyri fyritøkur og stovnar íroknað miðlar.

Vit hava í hesum sambandi lagt nógva tíð og orku í menning, soleiðis at vit nú kunnu bjóða eina kappingarføra tænastu.

Public Relations

Vit hava drúgvar royndir innan virkissamskifti, tíðindi, kunning og grafiskt design — og fólk við serútbúgving í PR og áhugaumboðan.

Tað snýr seg í stuttum um at hjálpa fyritøkum, felagsskapum, stovnum og myndugleikum at handfara og røkja sítt samskifti og síni sambond skynsamt og endamáls samsvarandi.

Foto

Foto er eitt av okkara kjarnuøkjum, og vit hava egnan fotograf við drúgvum yrkisroyndum og hollari útbúgving úr New York.

Maria Olsen hevur serliga gjørt vart við seg sum ein framúr fotojournalistur og dokumentar fotografur.

Orð & Heiti

At skriva greitt so tað hóskar til endamálið, so tað upplýsir ella selir, fær fólk við — er púra grundleggjandi innan samskifti sum munar.

Eitt er at skriva væl í onkrum høpi. Eitt annað er at finna neyvt røtt orð til júst tað hugtak ið talan er um.

Ein tíðindagrein sum skal upplýsa um eitt torført mál, eitt kunningarskriv sum skal leggja fram fakta frá ávísum parti, ein sølufremjandi vørulýsing, ein frágreiðing vegna politiskan myndugleika — har er eingin endi á ymiskleikanum í fyritreytum; men har eru eisini felags meginreglur.

Yrkisskeið

Verkafólk, stjórar, yrkisfólk, leiðarar — øll kunnu uppstigast í førleika, uttan at tað nýtist at kosta ov nógv.

Røk arbeiðsplássið, betra virksemið, styrk stovnin! Tú hevur alt at vinna við okkara umfatandi og spennandi úrvali av interaktivum yrkisskeiðum, bygd á video yvir internetið.

Okkara dygdargóðu yrkisskeið eru framleidd í Bretlandi og góðkend eftir viðurkendum standardum har og í ES, og geva galdandi prógv.

Tosa við okkum!

Vit vilja hoyra fegin frá tær! Ert tú forvitin eftir at hoyra meira  um okkara tænastur og um hvussu vit møguliga kunnu samstarva — so set teg endiliga í samband við okkum!